BÚSKA

Saumakvöld 6. febrúar

2012-02-03T11:46:00.001Z

Sælar allar saumakonur,

nú saumum við í Tjarnarbæ á mánudagskvöld 6. feb.

Húsið opnar kl.19.30 og að sjálfsögðu verður kaffi á könnunni.

Sjáumst :)

kv. Ebba og Anna Sigga

Saumakvöld

2012-01-20T11:35:00.000Z

Sælar allar Búskur
Nú saumum við í Tjarnarbæ mánudaginn 23. janúar.
Húsið opnar kl. 19.30 og við saumum fram eftir kvöldi.
Það verður kaffi á könnunni.

Anna Sigga og Ebba.

Saumakvöld mánudaga

2011-11-05T11:10:00.002Z

Búskurnar hittast til skrafs og sauma annað hvert mánudagskvöld í Tjarnarbæ kl. 19:30
Síðasta saumakvöld var 31. október svo næsta saumakvöld verður að hálfum mánuðum liðnum.

Kvöldfundur Búsknanna

2011-04-13T15:58:00.001Z

Saumað verður í Tjarnarbæ mánudaginn 2. maí 2011 kl.18:30

Saumakvöld

2011-04-09T16:01:00.000Z

Saumað í Tjarnarbæ mánudaginn 11. apríl 2011 kl. 18:30

Saumað í Tjarnarbæ 28. mars 2011

2011-03-25T15:00:00.001Z

Saumakvöld verður í Tjarnarbæ mánudaginn 28. mars 2011 kl 18.30.
Ebba og Anna Sigga

Guðrún Erla - námskeið Blönduósi

2011-03-03T08:39:00.001Z

Guðrún Erla verður með námskeið á Blönduósi fimmtudaginn 7. apríl. Nánari upplýsingar ef smellt er á myndina hér til hliðar.

Saumað í Tjarnarbæ

2011-02-25T16:48:00.002Z

Bútasaumskonur

Nú saumum við aftur í Tjarnabæ, mánudaginn 28. febrúar 2011 kl 18:30

Kaffi verður á staðnum, ásamt strauborði og straujárni, mottu og stiku.

Kveðja Ebba

Veisla á Búskufundi

2011-02-16T16:47:00.001Z

Við erum ekki alveg dauðar úr öllum æðum ennþá hérna í Skagafirðinum, átta konur mættu galvaskar til skrafs og sauma og Bíbí bauð upp á veislu.
Ekki amalegt það. Sjáumst aftur á næsta saumakvöldi.

Saumað í Tjarnarbæ

2011-02-08T16:49:00.003Z

Saumakvöld verður í Tjarnabæ, félagsheimili hestamanna við hliðina á reiðhöllinni, mánudaginn 14 febrúar 2011 kl:18:30 -22:30

Kaffi verður á staðnum.

Verið þið nú duglegar að mæta og sýna okkur hvað þið eruð og hafið verið að gera

Kveðja Ebba

Fyrsti fundurinn

2010-10-07T20:07:00.003Z

Komar nýjar myndir inn á síðuna frá fyrsta Búskufundi haustsins 20. september.

Fundur mánudag 20. sept kl. 18:30

2010-09-20T08:31:00.004Z

Fyrsti fundur vetrarins verður á Löngumýri mánudaginn 20. september k. 18:30

Næstu fundir;
mánudagur 4. október kl. 18:30
mánudagur 15. nóvember kl. 18:30
Saumasunnudagur 21. nóvmber kl. 10:- 16:00 - ef áhugi er fyrir hendi.

Við ræðum starfið og setjum upp dagskrá vetrarins á þessum fyrsta fundi, nýjar hugmyndir eru vel þegnar.

Kveðja Ebba

Myndir

2010-03-04T00:52:00.002Z

Loksins búin að koma inn myndum frá síðasta fundi.

Kvöldfundur 17. febrúar

2010-02-17T00:07:00.002Z

Næsti fundur verður miðvikudaginn 17. febrúar á Löngumýri, húsið opnar kl. 18:30 að venju.
Takið með ykkur saumavélina eða það sem þið eruð að vinna að, smáræði í gogginn, góða skapið og eigum notalega saumastund eins og svo oft áður.

Myndir

2009-11-30T20:52:00.001Z

Það eru komnar inn nokkrar myndir frá kvöldfundinum síðasta, við vorum bara 5 en áttum góða stund.

Frestun saumasunnudags

2009-11-18T13:34:00.001Z

Sælar kæru Búskur!

Af óviðráðanlegur orsökum verður við að hætta við saumasunnudaginn sem vera átti næstkomandi sunnudag 22. nóvember.
Þess í stað verður venjulegur saumafundur mánudaginn 23. nóvember - húsið verður opnað kl. 18:30

Vonumst til að sjá sem flestar.
Kveðja, Jóhanna, Helga B, Anna Sigga og Ebba.

Dagskrá Búsknanna 2009 - 2010

2009-09-21T18:04:00.008Z

Við erum komnar með beinagrind að dagskrá næsta starfsárs, set hana hér inn en dagsetning í febrúar gæti breyst. Við sendum hana svo út í tölvupósti til allra netvæddra og í sniglapósti á hinar þegar við höfum fengið dagsetningu á saumahelgina okkar í mars.

Vakin er athygli á að fyrsti fundurinn byrjar kl. 19:00 en ekki 18:30 eins og verið hefur.

Mánudagur 19. október - kl: 19:00 - 23:00
kvöldfundur á Löngumýri.

Sunnudagur 22. nóvember - kl: 10:00 - 16:00
saumasunnudagur á Löngumýri

Þriðjudagur 19. janúar 2010 - kl: 18:30 - 22:30
kvöldfundur á Löngumýri.

Miðvikudagur 17. febrúar 2010 - kl: 18:30 - 22:30
Kvöldfundur á Löngumýri

Aðra eða þriðju helgina í mars - saumahelgi á Löngumýri, með Bútós og Kristrúnu. Alveg óráðið með þessa helgi.

Miklabæjarkirkja - alltaf í leiðinni

2009-09-15T22:25:00.006Z

Fyrsti fundur lofaði góðu, sautján konur mættu í Miklabæjarkirkju til að fræðast um stórverkefni Akrahreppskvenna, altaristöfluna í kirkjunni. Svanhildur Pálsdóttir sagði okkur frá tilurð altaristöflunnar og lýsti framgangi hönnunar og síðan vinnunni við verkið, sem vígt var í sumar.

Ég skora bara á ykkur allar áhugakonur um bútasaum, komið við í kirkjunni og lítið á teppið.
Glæsilegt í alla staði og vekur aðdáun á eljusemi og dugnaði þessara eldhuga sem verkið unnu.
A.m.k. eitt hundrað sinnum komu þær saman til skrafs og ráðagerða, stundum bara tvær, stundum fleiri og stundum allar.

Að skoðunarferðinni lokinni settumst við inn á Hótel Varmahlið spjölluðum um vetrardagskrána. Hún er í vinnslu en verður sett hér inn um leið og komin er niðurstaða á fastar dagsetningar, á eftir að ræða við Gunna á Löngumýri og slíkt.

Næstu 5 helgar er Kristrún og staffið í Quiltbúðinni með saumahelgar á Löngumýri, ef helgar skildi kalla, því sumar mæta á fimmtudegi, tekur því varla fyrir þær stöllur að fara heim á milli.
Amk 10 Búskur hafa skráð sig á saumahelgi hjá Kristrúnu.

Fyrsti fundur starfsársins - frekari upplýsingar

2009-09-06T22:54:00.001Z

Fyrsti fundur haustins verður mánudaginn 14. september.
Við byrjum á að skoða altaristeppið í kirkjunni á Miklabæ, Svana verður leiðbeinandi í þeirri ferð. Fáum okkur svo kaffi og með´ví á Hótel Varmahlíð og skipuleggjum starf vetrarins.
Mæting við Hótel Varmahlíð kl. 19:30

Nú mætum við allar og bjóðum með okkur nýjum félögum.

Anna Sigga, Ebba, Jóhanna og Helga

Fyrsti fundur starfsársins

2009-09-06T16:20:00.001Z

Fyrsti fundurinn í haust er fyrirhugaður mánudaginn 14. september og ráðgert er að fara í Miklabæjarkirkju og skoða altaristöflu bútasaumskvenna í Akrahreppi og Svana kæmi þá með okkur til að kynna verkið. Nánari upplýsingar verða settar inn þegar málið er í höfn.

Myndir komnar inn

2009-06-27T21:28:00.002Z

Loksins tókst mér að hlaða inn myndunum frá Vildarvinahelginni hjá Bútós á Blönduósi. Eitthvað ólag á myndasíðunni, en njótið vel.

Bútósgleðin

2009-05-11T19:52:00.005Z

Já, já, það var engin lognmolla á saumahelginni á Blönduósi í þetta skipti, frekar en fyrri daginn.
Allar svo glaðir og kátir með bútana sína og saumavélarnar allt um kring, já og aldrei þessu vant fengum við nóg að borða.

Skoppa og Skrýtla höfðu að sjálfsögðu farið í búrið hjá betri bændum í héraðinu og fóru svo sannarlega ekki tómhentar þaðan út. Við hinar dunduðum við að leggja á borð og í mesta lagi skera niður grænmeti annars var allt fyrirfram tilbúið. Gugga Páls er alltaf góð í pungunum, sérlega vel lagaðir hjá henni, Anna Margrét bauð okkur að smakka skyrbrauðið sitt og í fingurbjörg af þessu líka dásamlega krækiberjavíni.

Svona rétt inn á milli máltíða var skorið og saumað, straujað og stungið, rakið pínu upp, enn ekki samt mikið. Óvissuverkefni var tilsniðið og lagt upp í hendurnar á okkur, alltaf gaman að svoleiðis.

Af Búskum vorum við: Helga Har, Ebba, Anna Sigga, Stefanía og Helga Bergs.
Anna Bjarka og Ragga komu frá Akureyri og Mæja frá Borgarnesi, tvær úr Borginni þurftu að snúa við á Holtavörðuheiðinni og urðu því af gamninu.
Þetta var alveg frábærlega gaman og þakkir skulu þær fá, þær Skoppa og Skrýtla fyrir framtaksemina svo nú ekki sé minnst á þær sem bjuggu um okkur í kotum sínum.

Myndir birtast innan tíðar frá herlegheitunum á myndasíðunni okkar.

Saumahelgi á Blönduósi

2009-04-27T17:14:00.005Z

Bútós á Blönduósi býður félagskonum á saumahelgi 8.-10. maí
Þið sem hafið fengið póst vinsamlegast tilkynnið af eða á sem fyrst.
Þetta verður síðasta samkoman hjá okkur á þessu vori.

Félagskonur teljum við vera þær sem hafa greitt félagsgjald og eru virkir félagar í Búskunum.
Ef þú ert í vafa kíktu þá á félagalistann hér til hliðar.
Ef einhver telur að sig vanti á listann, hafi sú hin sama samband við Helgu Bergs sem fyrst.

Jóhanna, Ebba, Anna Sigga og Helga B

Kvöldfundur Löngumýri 31. mars

2009-03-30T18:52:00.001Z

Minni á saumafundinn á Löngumýri annað kvöld 31. mars kl. 18:30 ef veður leyfir.

Saumasunnudagurinn

2009-03-16T13:56:00.002Z

Flottur saumadagur hjá okkur á Löngumýri.
Fyrstu konur voru mættar fyrir níu og síðustu fóru ekki fyrr klukkan var langt gengin í sex.
Það var saumað og saumað, skorið og straujað, spjallað og hlegið. Við fórum í mat til Svönu í hádeginu og fengum þennan líka gómsæta indverskja kjúkling með hrísgrjónum, mangómauki, kókosmjöli, banönum, ristuðum möndlum og gúrkusósu.

Saumasunnudagur 15. mars

2009-03-11T07:58:00.004Z

Saumasunnudagur á Löngumýri þann 15. mars

Við opnum húsið kl. 9:00 og höfum opið til ca. 17:00

Í hádeginu förum við í mat til Svönu á Hótel Varmahlíð verð kr. 2.500 á manninn. Við þurfum ekkert að borga fyrir aðstöðuna á Löngumýri í þetta sinn vegna tilfæringanna með okkur í vetur.
Við þurfum að fá upplýsingar um hvað margar ætla sér að borða hádegismat.

Ef konur mæta snemma er etv upplagt að taka með sér eitthvað smáræði með morgunkaffinu.
Við höfum boðið Bútóskonum að koma og sauma með okkur og einhverjar hafa tilkynnt komu sína. Eins buðum við Kristrúnu og co að koma en hún er á námskeiðiði sunnan heiða þessa helgi.

Sjáumst svo hressar og kátar.

Saumasunnudagur 15. mars

2009-02-24T19:32:00.002Z

Við opnum húsið kl. 9 að morgni og höfum opið til amk. kl. 17:00
Endilega taka með sér vinkonur og kynna þær fyrir bútasaumnum. Ekkert gjald er tekið fyrir daginn nema kostnaður við hádegisverð sem verður að öllum líkindum á Hótel Varmahlíð hjá Svönu.

Prjónakaffi

2009-02-23T08:38:00.002Z

Auglýsing frá prjónakonum og áhugafólki um handverk.

Prjónakaffi verður í Húsi Frítímans á Sauðárkróki á fimmtudaginn 26. febrúar frá kl. 19:30
Allir velkomnir.

Saumasunnudagur 15. mars

2009-02-23T08:31:00.002Z

Nú fer að líða að saumasunnudegi - hann var settur upp þann 8. mars n.k. - en vegna aðstæðna á Löngumýri - ætlum við að færa hann til sunnudagsins 15. mars. Og við erum að bíða eftir svari frá Gunnari um að byrja fyrr, eða kl. 09:oo og vera til kl. 17:oo ef konur vilja. Þá erum við líka að kanna hvort Svana á Hótel Varmahlíð getur gert okkur eitthvert tilboð í hádegismat - og erum við að meina að fara þangað til hennar í mat. Þetta er ágætis tilbreyting frá þessari hefbundnu heimatilbúnu súpu og salati:):) Ef af því verður - þurfa konur að láta vita hvort þær ætli að mæta, svo við höfum einhverja tölu handa Svönu. Við auglýsum þetta aftur er nær dregur. Þá höfum við haft samband við konur á Blönduósi og Skagaströnd og einnig Kristrúnu í Quiltbúðinni og boðið þeim að koma í heimsókn og sauma með okkur. Og endilega ef þið vitið um einhverjar sem vilja koma - látið þær vita - því fleiri því skemmtilegra.

Kvöldufundur þriðjudaginn 10. febrúar

2009-02-05T11:01:00.001Z

Þriðjudagur 10. febrúar - kl: 18:30 - 22:30 kvöldfundur á Löngumýri.

Byrjendanámskeið í bútasaum fyrir nýja félaga eða aðra sem áhuga hafa.
Útbúinn verður pakkning með öllu sem til þarf í lítið verkefni og selt á kostnaðarverði.
Þeir sem áhuga hafa á kennslu skrái sig hjá einhverri okkar.
Sýna og segja frá.

Auglýsing frá Þórdísi í Hérðasbókasafninu

2009-02-05T10:57:00.004Z

Takið eftir - Nýjar handvinnubækur

Mikið úrval af nýjum, fallegum og mjög spennandi handavinnubókum, einkum bútasaums- og prjónabókum, s.s. Kaffe Fassett, Marti Michell, Debbie Bliss, Rowan, Kim Hargreaves og fl.
Allar bækurnar á 10 daga láni

Lítið endilega við

Héraðsbókasafnið

Myndir komnar inn

2009-01-22T22:34:00.003Z

Það eru komnar inn myndir frá fundinum á mánudaginn. Áttum fínan fund á Löngumýri, ein ný kom að kynna sér bútasauminn.

Jólin garðinn ganga í...

2008-12-24T23:02:00.000Z

Gleðilega jólahátíð allar Búskur og bútasaumsunnendur vítt og breytt um landið.

Kvöldfundur 20. janúar.

2008-12-16T12:59:00.001Z

ATHUGIÐ - breyting á fundardegi - janúarfundurinn verður 20. janúar en ekki 13. eins og áður var ákveðið, vegna breytinga hjá Gunnari.

Jólafundur 2008

2008-12-09T14:59:00.004Z

Notalegum jólafundi lokið, fámennt en góðmennt, Jóhanna, Ebba, Anna Sigga, Sólveig Sig. og Sigga Valgarðs sátu yfir góðgæti og spjalli. Sigga hlaut happdrættisvinninginn góða, pakkning með sniði og efni frá GE design, sem hún kallar Húsfriður.
Helga komst því miður ekki, fann upp á því að fara að handleggsbrjóta sig í gærmorgun, aarrrrrgggggg....... enginn saumaskapur næstu vikurnar á þeim bænum.

Set hér inn leiðbeiningar að þessu veggteppi, tilvalið t.d. að útbúa jóladagatal eða bæta á þetta einhverjum jólaskreytingum.
Bara smella á fyrirsögnina til að komast inn á leiðbeiningasíðuna (enska)

Jólafundur á Löngumýri

2008-12-06T14:24:00.002Z

Mánudagur 8. desember - kl: 20:00 - 22:00
Breyting: Gunnar hafði tvíbókað daginn, svo við þurftum að færa fundinn fram um einn dag.

Við komum saman á Löngumýri, höfum með okkur litla innpakkaða gjöf, skemmtilegast eitthvað heimatilbúið eða tengt bútasaum en halda verði í lágmarki. Eigum huggulega stund við kertaljós og góðgæti. Sýna og segja frá.

Saumasunnudagur á Löngumýri.

2008-11-19T18:40:00.000Z

Sunnudagur 23. nóvember - kl: 10:00 - 16:00 saumasunnudagur á Löngumýri.

Við opnum húsið k. 10:00 en frjálst er að mæta þegar hverjum og einum hentar.
Við verðum með léttan mat í hádeginu, súpu, brauð, salat.
Alltaf heitt á könnunni.
Sýna og segja frá.

Flottur fundur

2008-11-11T23:55:00.000Z

Fjölmennur og góður fundur í kvöld á Löngumýri.
Tvær konur komu á byrjendanámskeiðið, þær eru nokkuð klárlega smitaðar af bútaveikinni.
Myndir frá kvöldinu komnar á myndasíðuna.
Kveðja Helga.

Búskurnar auglýsa !

2008-11-06T16:53:00.003Z

Næsti fundur á Löngumýri er þriðjudaginn 11. nóveber.

Við reynum aftur!

Nú er tækifæri til að kynnast bútasaumnum.
Kvöldfundur á Löngumýri þriðjudaginn 11. nóv. kl. 18:30
Byrjendanámskeið í bútasaum gegn vægu gjaldi ca. kr. 3000

Ebba 895 5024, Anna Sigga 861 3458, Helga 863 6114

Hafið með ykkur saumavélina, millistykki, tvinna, sprettar og skæri. Gott er líka að hafa með lítinn lampa. Frekari upplýsingar í ofanskáðum símum.

Hlökkum til að sjá ykkur sem flestar

Búskurnar

Jóhanna "Down under"

2008-11-04T07:50:00.002Z

Sælar allar Búskur.

Ég fékk póst frá Jóhönnu í Ástralíu.
Sú hefur það nú aldeilis fínt, en var búin að finna tvær bútasaumsverslanir sem henni leist nú ekki meira en svo á, en fór svo með íslenskri vinkonu Unnar frænku sinnar í bútasaumsklúbb sem saumar öll mánudagskvöld í tvo-þrjá tíma. Klúbburinn er haldinn í búð sem var víst algjört æði. Hún "missti hökuna niður á bringu og flippaði algjörlega", segir hún.
Frábær efni og frábærar bækur, keypti eitthvað til að sýna okkur. Ætlar svo að taka slatta af myndum segir hún en hún fer aftur að sauma með þeim og ætlar auðvitað að taka með sér tölvuna til að geta sýnt þeim myndir frá okkur Búskunum.

Er svo að fara í "afslöppun" með frænku sinni, verða tvær saman á hóteli í tvo daga, ætli búðargluggarnir hafi nú ekki eitthvað aðdráttarafl, sérstaklega ef einhverjir strangar eru nú í gluggunum. Ekkert smá gott að vera svona í skermuðu umhverfi á þessum ömurlegu tímum hérna á skerinu.

Slæmt veður

2008-10-23T12:42:00.001Z

Fundinum sem vera átti í kvöld er frestað.
Byrjendanámskeiðið verður á næsta fundi sem er þriðjudagurinn 11. nóvember á sama tíma.

Vitlaus spá fyrir fimmtudag

2008-10-22T08:08:00.002Z

Það er snarvitlaus spá fyrir morgundaginn hér á Skagafjarðarsvæðinu.

Við sjáum til fram að hádegi á morgun hvort við höldum fundinum annað kvöld til streitu, set þá inn upplýsingar um hvort við frestum eða ekki.

Kvöldfundur 23. október

2008-10-20T11:14:00.003Z

Búskurnar auglýsa !

Nú er tækifæri til að kynnast bútasaumnum.

Kvöldfundur á Löngumýri fimmtudaginn 23. okt. kl. 18:30

Byrjendanámskeið í bútasaum gegn vægu gjaldi ca. kr. 3000
Áhugasamir skrái sig hjá hjá Herdísi í Kompunni eða í símum:
Ebba 895 5024, Anna Sigga 861 3458, Helga 863 6114

Hafið með ykkur saumavélina, millistykki, tvinna, sprettar og skæri, efni í lítið verkefni er innifalið í verðinu. Gott er líka að hafa með lítinn lampa. Frekari upplýsingar í ofanskáðum símum.

Búskufélagar sauma að vild eins og venjulega.

Hlökkum til að sjá ykkur sem flestar

Búskurnar

Myndir

2008-10-02T20:45:00.004Z

Myndir frá fundinum á þriðjudaginn komnar inn.

Þriðjudagur 30. september - kl: 18:30 - 22:30

2008-09-29T17:28:00.006Z

Munið eftir fundinum annað kvöld á Löngumýri.

Hefðbundinn kvöldfundur, fattarahapp- drætti, en stærð á hverjum bút er c.a. 45cm x 56cm
Komið með 2 fattara til að leggja í púkkið, dregið verður úr potti. Takið eftir breyttum fundartíma, við byrjum hálf sjö í stað sjö og hættum hálftíma fyrr.
Stingið smáköku eða vínberjum í vasann til að maula með kaffinu.

Starfið í vetur

2008-09-25T11:27:00.003Z

Fyrirkomulag vinnufundanna verður með svipuðum hætti og í fyrra og þó svo að við verðum með einhverja kennslu eða þema, þá notið þið tímann að sjálfsögðu eins og þið óskið. Hugsanlega verður bætt inn einhverju þema eða verkefnum eftir því sem á líður. kaffi og te verður á staðnum, en þið hafið með ykkur eitthvað smálegt í gogginn fyrir kvöldfundina.
Nauðsynlegt er að skrá sig á saumasunnudagana vegna matarkaupa.

Takið með ykkur nýja félaga eða bjóðið vinkonunni að koma og kynnast bútasaumnum.
Bútakonur úr öðrum félögum eru alltaf velkomnar á fundi hjá okkur.

Dagskráin er komin á vefinn með smá fyrirvara þó, því við eigum eftir að fá staðfestingu frá staðarhaldara á Löngumýri um síðasta kvöldfundinn.

Svo vitum við um að vestankonur hafa áhuga á að koma í heimsókn til okkar, hér á ég við Bútós konur á Blönduósi og Skagaströnd. Þær eru að sjálfsögðu alltaf velkomnar.

Dagskrá Búsknanna 2008 - 2009

2008-09-25T11:20:00.005Z

Þriðjudagur 16. september - kl: 19:00 - 23:00 kvöldfundur á Löngumýri.
Fyrsti fundur haustsins.
Við setjum upp dagskrá vetrarins, tillögur og nýjar hugmyndir að dagskrá næsta vetrar vel þegnar. Kaffi og meðlæti verður í boði félagsins á þessum fyrsta fundi.
Sýna og segja frá.

Þriðjudagur 30. september - kl: 18:30 - 22:30 kvöldfundur á Löngumýri.
Hefðbundinn kvöldfundur, fattarahappdrættir. Komið með 2 fattara (45x56) til að leggja í púkkið. Dregið verður úr potti. Sýna og segja frá.

Fimmtudagur 23. október - kl: 18:30 - 22:30 kvöldfundur á Löngumýri.
Byrjendanámskeið í bútasaum fyrir nýja félaga. Útbúinn verður pakkning með öllu sem til þarf í lítið verkefni og selt á kostnaðarverði. Þeir sem áhuga hafa á kennslu skrái sig hjá einhverri okkar. Sýna og segja frá.

Þriðjudagur 11. nóvember - kl: 18:30 - 22:30 kvöldfundur á Löngumýri.
Hefðbundinn kvöldfundur. Sýna og setja frá.

Sunnudagur 23. nóvember - kl: 10:00 - 16:00 saumasunnudagur á Löngumýri.
Við opnum húsið k. 10:00 en frjálst er að mæta þegar hverjum og einum hentar. Byrjað verður á að draga sér leynivin fyrir daginn, nánari útskýringar síðar. Við verðum með léttan mat í hádeginu, súpu, brauð, græmneti, ávexti, etv. heitan rétt. Alltaf heitt á könnunni. Sýna og segja frá.

Mánudagur 8. desember - kl: 20:00 - 22:00 jólafundur á Löngumýri.
Breyting: Gunnar hafði tvíbókað daginn, svo við þurftum að færa fundinn fram um einn dag.
Við komum saman á Löngumýri, höfum með okkur litla innpakkaða gjöf, skemmtilegast eitthvað heimatilbúið eða tengt bútasaum en halda verði í lágmarki. Eigum huggulega stund við kertaljós og góðgæti. Nánar síðar. Sýna og segja frá.

Þriðjudagur 20. janúar - kl: 18:30 - 22:30 kvöldfundur á Löngumýri.
Breyting: Gunnar fékk bókun á alla vikuna, svo við þurftum að færa fundinn aftur um eina viku.
Hefðbundinn afslappaður kvöldfundur eftir jólin, sýna og segja frá.

Þriðjudagur 10. febrúar - kl: 18:30 - 22:30 kvöldfundur á Löngumýri.
Byrjendanámskeið í bútasaum fyrir nýja félaga ef þátttaka. Útbúinn verður pakkning með öllu sem til þarf í lítið verkefni og selt á kostnaðarverði. Þeir sem áhuga hafa á kennslu skrái sig hjá einhverri okkar. Sýna og segja frá.

Sunnudagur 15. mars- kl: 9:00 - 17:00 saumasunnudagur á Löngumýri.
Við opnum húsið k. 9:00 en frjálst er að mæta þegar hverjum og einum hentar. Við borðum á Hótel Varmahlíð hjá Svönu í hádeginu kr. 2,500 fyrir manninn. Enginn annar kostnaður við saumadaginn, nema ef konur vilja hafa með sér millibita eða einskonar morgunverð og með síðdegiskaffinu. Alltaf heitt á könnunni. Sýna og segja frá.

Þriðjudagur 31. mars- kl: 18:30 - 22:30 kvöldfundur á Löngumýri.
Síðasti hefðbundni fundurinn á saumaárinu. Sýna og segja frá.

Laugadagur 9. maí - Lokafundur
Dagsferð, nokkrar hugnyndir hafa komið fram, við vinnu úr þeim, nánar síðar.

Félags- og fundagjald.

2008-09-25T10:57:00.001Z

Félagsgjaldið verður það sama og áður eða kr. 1.000
Gjald fyrir venjulegan kvöldfund kr. 1.000
Saumasunnudagar hafa verið kr. 1.500 etv þurfum við að hækka það eitthvað.

Hjálpartækin

2008-09-25T10:48:00.002Z

Bútasaumshjálpartæki sem Búskurnar eiga.

Stór skurðarmotta
Stika
Strauborð
Gufustraujárn

NEFNDIN 2011-2012

2008-09-25T10:47:00.001Z

Anna Sigríður Friðriksdóttir hs. 453 5717 gsm 861 3458
netf: annafridriks hjá simnet.is

Sigurlaug Ebba Kristjánsdóttir hs. 453 5024 gsm 895 5024
netf: ebba hjá frumherji.is

Félagar

2008-09-25T10:45:00.003Z

Félagar 11. nóvember 2008

Anna Gísladóttir Sauðárkróki
Anna Pála Þorsteinsdóttir Sauðárkróki
Anna Sigríður Friðriksdóttir Sauðárkróki
Ebba Kristjánsdóttir Kvistholti
Friðbjörg Vilhjálmsdóttir Sauðárkróki
Helga Friðbjörnsdóttir Varmahlíð
Helga J Haraldsdóttir Sjávarborg
Helga S. Bergsdóttir Sauðárkróki
Ingibjörg Guðbjartsdóttir Sauðárkróki
Ingibjörg Sigfúsdóttir Álftagerði
Jóhanna Björnsdóttir Sauðárkróki
Jónína Friðriksdóttir Laugamýri
Sigríður Guðmundsdóttir Sauðárkróki
Sigríður Valgarðsdóttir Sauðárkróki
Sigrún Indriðadóttir Stórhóli
Sólveig Sigurðardóttir Sauðárkróki
Þórdís Friðbjörnsdóttir Varmahlíð

Myndir

2008-09-18T00:17:00.002Z

Nokkrar myndir frá fundinum komnar inn á myndasíðuna og munið að skrifa í gestabókina.

Septemberfundur

2008-09-17T10:11:00.003Z

Þrettán konur mættu til skrafs og ráðgerða á Löngumýri í gærkveldi. Það var skorið, saumað, straujað og rakið pínu upp, til að komast í gírinn. Við tókum okkur gott kaffihlé en Jóhanna og Anna Sigga komu með þessar fínu kökur með kaffinu. Vetrardagskráin var sett á blað og ýmsar hugmyndir ræddar, m.a. að bjóða upp á einskonar byrjenda námskeið fyrir nýja félaga einu sinni fyrir áramóti og aftur eftir áramót. Félagsgjaldið verður það sama og í fyrra kr. 1.000,- og gjald fyrir fundina líka, eða kr. 1.000,-

Eitthvað af aurum er til í sjóðnum okkar og stefnum við á að hafa lokafund 9. maí og fara þá í einhverskonar "óvissu" ferð. Nokkrar hugmyndir komu fram sem verða ræddar betur þegar nær dregur.

Dagskráin hefur ekki verið gefin út ennþá, þar sem við eigum eftir að ræða við staðarhaldara á Löngumýri um hvort húsið sé laust þá daga sem við völdum, en kvöldfundir verða að öllu óbreyttu allaf á þriðjudögum, saumasunnudagur fyrir og eftir áramót og jólafundur í byrjun desember.

Fyrsti fundurinn í haust

2008-09-09T14:45:00.002Z

Fyrsti fundur vetrarins verður þriðjudaginn 16. september kl. 19:00 – 23:00 á Löngumýri
Við ákveðum vetrardagskrána á fundinum, allar ábendingar og nýjar hugmyndir eru vel þegnar.

Kaffi og smá nart með því verður í boði félagsins að þessu sinni.
Straujárnið og strauborðið ásamt mottu og stiku veður komið aftur á sinn stað.

Nýir félagar ávallt velkomnir.

Jóhanna, Anna Sigga, Ebba og Helga B

GESTABÓK

2008-06-05T17:38:00.000Z

Ég er búin að setja upp gestabók hér til hægri. Það væri nú gaman ef þið sem eruð að kíkja hérna inn nenntuð að skrifa smá.
Kv Helga Bergs

Saumahelgi 2007

2008-05-22T01:41:00.008Z

Strúnubragurinn sem Gunnar á Löngumýri samdi og fór með á Quiltbúðar-saumahelgum síðasta haust.

Lag: Stebbi og Lína

Það var fyrir nokkrum árum þegar Strúna fór á stjá
að hún stefnu tók að hóa saman konum.
Sem höfðu jafnvel áratugi alið sömu þrá
með afgöngunum listhneigð sína tjá.

En hvað var þá til ráða til að koma þessu á skrið
var Kristrúnar því næsti höfuðverkur.
Svo fljótlega hún kynna fór sér kvennaathvarfið
þar sem kirkjan veitir saumaóðum grið.

Því varð Löngumýri staðurinn sem Strúnu líkar vel
svo hún stefnir þangað miklum kvennaskara.
Sem að mæta þó að stundum nauði stormur eða él
til að standa í botni túrbósaumavél.

Er þær byrja hér á fimmtudögum fílingur er sá
að formúlan sé um það bil að hefjast.
Með títuprjón í munni, tána peldanum á
á taugum þar til Strúna segir má.

Í kílómetravís þær síðan kaupa rándýr ver
til að klippa nið´r í oggulitla búta
Þær reyna svo að púsla þessu saman sikk og þver
en það sáralítill möguleiki er.

Svo stæra þær og masa hversu stórkostlegt það sé
ef þær stykkjum geta komið aftur saman.
En greinilegt er samt að mesta gleði láta í té
þegar gefur Strúna flokknum matarhlé.

En með bútasaumaveiki fylgir hvorki kvöl né sár
og þær kátar virðast una meðferðinni.
Nema á stöku hvarmi mögulega glitti í gleðitár
þegar grúppan hittist aftur næsta ár.

Tra la la
Gunnar Rögnvaldsson okt 2007

Lokafundur - sleginn af

2008-05-20T22:58:00.007Z

Á dagskránni okkar er síðasti fundur settur þriðjudaginn 24. maí sem stenst engan vegin hjá okkur því 24. maí er laugardagur. Það var reyndar meiningin þegar við settum þessa dagskrá saman að fara í einhverja stutt ferð til Akureyrar þennan laugardag, kíkja til Kristrúnar í Quiltbúðinni, etv einhver smá uppákoma þar og borða svo saman á eftir. En það féll um sjálft sig því Kristrún er á ferðalagi þessa vikuna og kemur ekki heim fyrr en þennan sama laugardag.
Þá datt okkur í hug að heimsækja Bútós á Blönduósi og borða saman á Pottinum og Pönnunni þó stuttur fyrirvari væri á þeirri hugdettu hefði það átt að geta gengið upp.

En eftir nokkrar vangaveltur var ákveðið að fresta þessu fram á haustið því Jóhanna er komin með flensu, Anna Sigga í önnum og ég (Helga) er upptekin á laugardaginn.
Jóhanna mun því senda tölvupóst um það, á allar sem hafa netfang. (svona inn á milli hnerranna)

Við ætlum að koma saman og skipuleggja starfið, athuga með Löngumýri og fleira þann 26. ágúst svo fyrsti saumafundur ætti að vera fyrstu eða aðra vikuna í september. Þá munum við kynna drög að dagskrá svo allar hugmyndir eru vel þegnar, og nýir félagar eru velkomir í klúbbinn.
Fyrsti kvöldfundurinn verður svo auglýstur í Sjónhorninu.

Skurðarmottuna, stikuna og strauborðið okkar, tók ég (Helga s: 863 6114) með mér heim eftir síðasta fund á Löngumýri, gufustraujárnið er hjá Ebbu (s: 895 5024) . Ef einhver Búska vill nýta sér þessa hluti í sumar er bara að hafa samband við okkur.

Við þökkum starfið í vetur en hlökkum til að byrja aftur af fullum krafti með haustinu.

Bútóshelgin

2008-05-07T07:11:00.007Z

Var að setja inn myndir frá Bútóshelginni á Blönduósi helgina 2-4 maí, en þá bauð Bútós, nokkrum vildarvinum að vera með á saumahelginni þeirra. Helgina var að sjálfsögðu frábær, mikið saumað, mikið spjallað og mikið borðað. Við vorum þrjár úr Skagafirðinum, Ebba, Anna Sigga og Helga Bergs.
Mynd: óvissuverkefni frá föstudagskvöldinu.

Fámennur en fínn fundur

2008-04-25T20:23:00.004Z

Við vorum heldur fáar sem mættum á mánudagskvöldið síðasta, en áttum engu að síður góða stund á Löngumýri, eins og alltaf. Nokkrar myndir komnar á Búskumyndasíðuna. Setti hér inn mynd af barnateppi sem ég (Helga Bergs) er að sauma handa barnabarninu mínu.

Kvöldfundur á Löngumýri.

2008-04-20T20:19:00.004Z

Halló Búskur.

Kvöldfundur á Löngumýri á morgun, mánadagskvöld kl. 19:00 til 23:00 Við höfðum ætlað okkur að hafa námskeið eða kynningu þetta kvöld en af því verður ekki. Þetta verður því hefðbundin fundur, saumað og spjallað, sýna sitt og sjá hvað hinar eru að gera.

Vildarvinadagur á Skagaströnd

2008-04-17T10:21:00.003Z

Við fórum tvær Búskur að sauma á Skagaströnd á laugardaginn síðasta. Þar var svokallaður Vildarvinasaumadagur hjá þeim "Skaggaskröttunum" en það er sá hluti Bútóskvenna sem kemur frá Skagaströnd sem kalla sig þessu nafni. Þetta var eins og að líkum lætur, frábær dagur, við gerðum ekkert annað en sauma og borða. Nákvæmlega það sem til var ætlast. Mynd: Ásthildur Gunnlaugsdóttir.
Set inn myndir frá saumadeginum, Helga Bergs.

Myndir frá Crazy Quilt námskeiði

2008-03-29T09:47:00.001Z

Var að setja inn myndir frá námskeiðinu í gær. Þetta var skemmtilegt kvöld, auðvitað var saumað af kappi, bæði í saumavélinni og skrautsaumar eftir að búturinn var kominn saman.

Crazy Quilt námskeið á Löngumýri

2008-03-27T11:36:00.001Z

Búskur allar með tölu... nú er bara að setja sig í stellingar og drífa saumadótið út í bílinn í hádeginu svo allt sé tilbúi fyrir fundinn í kvöld sem hefst að þessu sinni kl. 18:00

Crazy Quilt námskeið á Löngumýri

2008-03-18T15:58:00.013Z

Jæja Búskur!
Eigum við ekki bara að slappa yfir páskana, leggjast í páskaeggin og kíla vömbina!!

Já, já, en ekki lengi.... strax eftir páskana eða þann 27. mars hittumst við á Löngumýri á Crazy Quilt námskeiði hjá Svönu, (etv. Helgu Friðbjörns líka) byrjum klukkan 18 og verðum eitthvað fram eftir kvöldinu.

Konur þurfa að hafa með sér efni af ýmum gerðum, fjölbreyttir litir, áferð og útlit gera verkið mun skemmtilegra og útkomuna betri. Gömul hálsbindi, silkiblússur, satíntoppar, slæður, velúrgluggatjöld og allt mögulegt kemur til greina.

Ath. Hefðbundin bútasaumsefni ekki notuð.

Takið einnig með ykkur útsaumsgarnið ykkar, perlur, blúndur og annað sniðugt sem leynist í skúffunum. Ca 25x25 cm bút af lérefti, gömlu sængurveri eða laki.
Svo að sjálfsögðu saumavélina, skæri og crazy skapið.
(mottur og stikur óþarfar)

Námskeiðsgjald: 3000 kr fyrir konuna.
Svo kemur húsaleiga og kaffikostnaður að auki eða kr. 1.000 á mann.

Takið endilega með ykkur gesti og ekki er verra að tilkynna mætingu á námskeiðið til Jóhönnu á jsb52@simnet.is

Að sjálfsögðu verður skurðarborðið, stóra mottan, stikan og straujárnið á sínum stað ef einhver vill koma og sauma hefðbundin bút....

Ég fann nokkrar flottar myndir á netinu, það er sko ýmislegt hægt að gera úr gömlum gardínum, fermingarkjólum, bindinu hans afa eða blúndu undirkjólnum hennar ömmu!

Sjáumst hressar og í bútastuðinu.....
Jóhanna, Ebba, Anna Sigga og Helga.

Myndir

2008-03-04T23:23:00.001Z

Nokkrar myndir frá henni Jóhönnu frá klárudeginum á Löngumýri í febrúar komnar inn á síðuna.
kv Helga

Myndir frá saumalaugardeginum

2008-02-25T15:48:00.001Z

Kristrún í Quiltbúðinni hefur sett inn myndir frá saumadeginum á Löngumýri um síðustu helgi. Smellið bara á fyrirsögnina og þá eruð þið komin inn á myndasýninguna.
kv Helga

Breyting á fundartíma í apríl

2008-02-25T15:43:00.004Z

Aprílfundurinn hefur verið færður aftur um eina viku og verður því mánudaginn 21. apríl í stað 14. apríl.

Saumalaugardagur 23. febrúar

2008-02-20T09:16:00.002Z

Sælar kæru Búskur
Þá fer nú að líða að saumalaugardeginum okkar með Bútós konum og Kristrúnu í Quiltbúðinni + fylgdarlið.

Næsta laugardag, 23. febrúar, frá kl. 09,oo til ca. 16,oo.

Boðið verður upp á súpu og salat í hádeginu og svo kannski eitthvað sætt með kaffinu - sanngjarnt verð:)
Þess vegna verðum við að biðja ykkur að skrá ykkur, svo við vitum hversu mikla súpu við eigum að sjóða:) Væri gott að vita um þátttöku fyrir fimmtudagskvöld.

Mætingin í vetur hefur verið með lélegra móti, og væri nú gaman að sjá fleiri andlit í þetta sinn. Við höfum hlerað að konur hafi spurst fyrir um bútasaumsnámskeið - svo ef þið þekkið einhverjar sem hafa áhuga - endilega bjóðið þeim með - engin skylda að ganga í "flokkinn" á fyrsta fundi, bara prófa og hafa gaman af vonandi.

ENN OG AFTUR - UPP MEÐ SOKKANA - OG HASKA SÉR SVO Á LÖNGUMÝRI:):):)

Bestu kveðjur
Jóhanna, Helga Bergs, Anna Sigga og Ebba

Dagsbirtuljósalampar

2008-01-31T09:16:00.000Z

Ég komst að því fyrir tilviljun að dagsbirtuljósalamparnir hjá PFAFF eru á tilboði núna, kr. 7.900 í stað tæpra 13.000. Smelltu á fyrirsögnina til að fá betri upplýsingar.

Janúarfundurinn

2008-01-19T12:04:00.000Z

Nokkrar myndir frá síðasta fundi komnar inn á myndasíðuna.
Fundurinn var fámennur en góður, 6 konur saumuðu, spjölluðu, skiptust á hugmyndum og skoðunum, sýndu afrakstur jólamánaðarins. Anna Sigga fékk happdrættisræmurnar.

Kvöldfundur 10. janúar

2008-01-09T10:53:00.000Z

Jæja Búskur! Gleðlilegt nýtt ár, þökkum stórskemmtilega sauma-samveru , hlátur og spjall, liðins árs.

Þá er komið að fyrsta fundi á nýju ári. Á morgun fimmtudaginn 10. janúar er fundur á Löngumýri. Hann hefst kl. 19:00 að venju og stendur til kl.23:00. Við ætlum að hafa ræmuhappdrætti og biðjum ykkur því að koma með 3 ræmur sem eru 3" breiðar og breidd efnis eða ca. 42" Litaval er í ykkar höndum.

Kaffi og meðví - að hefðbundnum hætti.

Sjáumst allar hressar og kátar, uppfullar af góðum hugmyndum. Skyldi einhver hafa notað jólafríið til að bútast? Það verður spennandi að sjá.

Bestu kveðjur, Helga, Jóhanna, Anna Sigga og Ebba.

Sagan hennar Berglindar Snæland

2008-01-09T10:45:00.000Z

Jæja, ég (Berglind Snæland) kom við í Virku á fimmtudaginn til að bara kaupa smá dúkavatt til að stinga dúkana sem ég saumaði á Löngumýri. Áður en ég vissi af sá ég kvenmannshendur reiða fram kreditkort til að greiða fyrir 8,5 metra af efni og nýja skurðarmottu. Þegar ég kom aftur út í bíl rankaði ég við mér og áttaði mig á því að þessar kvenmannshendur voru mínar og að ég hafði keypt efni og skurðarmottu en gleymt að kaupa vattið! Hafið þið nokkuð lent í svona?!!

Tekið af vef Berglindar, http://catnap.typepad.com/catnap/

Jólasveinarnir hennar Berglindar, sem ég fann á sömu síðu.

Myndir frá jólafundinum

2007-12-05T17:37:00.000Z

Ég var að setja inn myndir frá jólafundinum okkar sem var á Löngumýri í gærkveldi.
Við sátum þar tíu konur og áttum notalega stund, með jólateið hennar Jóhönnu, ávaxtasalta, piparkökur og fleira góðgæti. Jólapakkaskiptin fóru fram með hefðbundum hætti og Helga Haralds fékk verðalaunin, sem var nytjahlutir til notkunar við bútasauminn.
Nú tökum við því rólega fram yfir áramótin, þá hittumst við allar 10. janúar, hressar og endurnærðar eftir hátíðina.
Ekkert sérstakt á döfinni nema ræmuhappdrætti - sjá dagskrá.

Munið jólafundinn í kvöld

2007-12-04T12:15:00.000Z

Kæru Búskur!

Munið eftir jólafundinum í kvöld, koma með litla gjöf með sér og eitthvað að sýna, anna sjáum við um.

Helga, Ebba, Anna Sigga og Jóhanna.

Ekkert til spillis - gæsir

2007-11-29T20:21:00.001Z

Þetta er ferlega sniðugt þegar maður er að sauma gæsir, ekkert fer til spillis. Smellið á fyrirsögnina til að fá frekari upplýsingar.

Jólakötturinn

2007-11-29T20:11:00.001Z

Skemmtileg blokk, jólakötturinn. Smelltu á fyrirsögnina til að ná þér í sniðið af mjása.

Jólafundurinn

2007-11-29T17:44:00.000Z

Jæja þá fer að líða að jólafundinum okkar Búsknanna sem auðvitað verður haldinn á Löngumýri, næsta þriðjudag sem er 4. desember. Húsið verður opnað kl. 20:00.

Við aðalhöfðingjarnir, eða þannig, sjáum um te, kaffi, meðlæti og kertaljósin en þið komið með góða skapið og smá gjöf, heimagerða er nú skemmtilegast ef hægt er því það verða pakkaskipti til að auka spennuna. Og þar að auki verður happdrætti.

Um að gera að hafa meðferðis það sem þið hafið saumað að undanförnu til að sýna okkur hinum.
En umfram allt ætlum við að eiga notalega stund saman.

Myndir frá saumasunnudegi

2007-11-19T23:21:00.000Z

Var að setja inn nokkrar myndir frá saumasunnudeginum síðasta en þar var boðið upp á námskeið í paper-piecing eða pappírs-saum.

Hvað er einn yard margir sentimetrar?

2007-11-19T15:09:00.000Z

Ég fann þessa líku fínu síðu á netinu, var að vandræðast með að breyta yard í metra. Setti slóðina inn hérna til hægri, undir ÁHUGAVERT.

Ég fékk þennan póst frá Herdísi Kompukonu

2007-11-13T14:11:00.000Z

"Kveðja til allra frá mér á næstu fundi hjá ykkur og þú mátt tilkynna það að ég verð með afslátt af bútasaumsefnum út þennan mánuð þe. nóvember. Ég set flest efnin sem ég á eftir á 40 % afslátt svo nú er um að gera og nýta sér tækifærið;-) Herdís"

KOMPAN

2007-11-12T10:03:00.000Z

Heimasíða Herdísar í Kompunni komin inn hér til hægri undir "Bútasaumsverslanir"

Námskeið í pappírssaum - paper piecing

2007-11-12T08:07:00.000Z

Námskeiðið í paper piecing hefst kl. 10:30 og stendur til 15:00 eða um það bil. Námskeiðið verður jólamiðað þ.e að hægt verði að nota bútana í eitthvað jólalegt.

Það sem þarf í þetta eru jólaefnisbútar af ýmsum stærðum og gerðum.
Gaman er að hafa efni sem hafa aðra áferð en venjuleg bútasaumsefni eins og t.d glansandi svo eitthvað sé nefnt.
Svo eru það venjuleg ar saumagræjur, ef einhverjar eiga litlar stikur sem eru sérstaklega fyrir paper piecing þá endilega að taka þær með (þær eru samt ekki nauðsynlegar)

Námskeiðið kosta kr. 2000 á konu.
Allir velkomnir, svo endilega takið með ykkur þessar konur sem hafa áhuga á bútasaum en ekki haft sig í að vera með. Ekki er nauðsynlegt að vera meðlimur í félaginu til að taka þátt í þessu námskeiði.

Hlökkum til að vera með ykkur þann 18. í jólaskapi og huggulegheitum. Ef einhverjar spurningar vakna þá endilega hafið samband.

Munið eftir saumasunnudeginum á Löngumýri

2007-11-05T08:52:00.000Z

18. nóvember 2007 kl: 10:00 – 16:00 saumasunnudagur á Löngumýri - Jólaþema

Helga Friðbjörns og Svana ætla að vera með námskeið í Paper Piecing – og kenna okkur að búa til lítil sniðug smástykki sem tengjast jólunum. Við fáum seiðandi súpu og gullið salat í hádegisverð.
Þið þurfið að skrá ykkur hjá einhverri okkar fyrir föstudaginn 16. nóv. svo við höfum einhverja hugmynd um fjölda í mat.

Tilkynning frá Þórdísi á bókasafninu á Króknum

2007-10-30T10:20:00.000Z

Á bókaafnið er komið dálítið af nýjum handavinnubókum, þ.á.m. slatti af bútabókum og fleiri á leiðinni. Þær eru allar á 10 daga láni, svona til að byrja með.

Kveðja
Þórdís

Kikið á myndirnar

2007-10-23T23:20:00.001Z

Var að setja inn nokkrar myndir frá síðasta fundi okkar Búsknanna.
Helga

Dagskrá Búsknanna 2007-2008

2007-10-23T17:08:00.002Z

18. okt. – fimmtudagur 2007 kl: 19:00 – 23:00 kvöldfundur á Löngumýri
Fyrsti fundur haustsins. Ekkert sérstakt þema þetta fyrsta kvöld en við hristum okkur saman, tökum fram tólin og hefjumst handa.
Vetrardagskráin kynnt. Svo stefnum við á að vinna áfram í teppinu góða – sem við byrjuðum á sameiginlega í fyrra. Við hellum uppá, allir taka eitthvað smálegt með sér með kaffinu.

18. nóvember 2007 kl: 10:00 – 16:00 saumasunnudagur á Löngumýri
Jólaþema - Helga Friðbjörns og Svana ætla að vera með námskeið í Paper Piecing – og kenna okkur að búa til lítil sniðug smástykki sem tengjast jólunum. Við fáum seiðandi súpu og gullið salat í hádegisverð. Þið þurfið að skrá ykkur hjá einhverri okkar fyrir föstudaginn 16. nóv. svo við höfum einhverja hugmynd um fjölda í mat.

4. desember 2007 þriðjudagur kl: 20:00 – 22:00 jólafundur á Löngumýri
Nú njótum við notalegrar jólastemmingar á Löngumýri. Jólagóðgæti í gogginn – kertaljós og svo sýnið þið okkur náttúrulega hvað þið ætlið að gefa tengdó í jólagjöf (svo við getum nú apað það eftir!!!) Jólagjafaskipti – Komið með litlar handgerðar gjafir, bútasaumaðar eða eitthvað annað bútasaumstengt. Gjafirnar verða númeraðar, hengdar upp til sýnis og loks dregnar út, og þá verður sko kátt í höllinni.

10. janúar 2008 fimmtudagur kl: 19.00 – 23.00 - kvöldfundur á Löngumýri.
Ræmuhappadrætti. Allar koma með 3 ræmur, sem mælast 3” – 42” (breidd efnis) hver ræma.

23. febrúar 2008 laugardagur kl. 09:00 – 16:00 ca. - reynum AFTUR
Saumalaugardagur með Bútóskonum á Blönduósi og Skagaströnd ásamt vonandi Kristrúnu í Quiltbúðinni og hennar konum. Nú þarf að skrá sig hjá einhverri okkar fyrir fimmtudag svo við höfum einhverja hugmynd um fjölda í mat.

27. mars 2008 fimmtudagur kl. 19:00 – 23:00 kvöldfundur á Löngumýri
Hér ætlum við að reyna að vera með námskeið í Crazy Quilt – nánar auglýst síðar.

21. apríl 2008 mánudagur kl. 19:00 – 23:00 kvöldfundur á Löngumýri
Einhvers konar kynning eða námskeið – nánar auglýst síðar

24. maí 2008 laugardagur - Lokafundur.
ÓVISSA - ÓVISSA - ÓVISSA

Góða skemmtun!

Saumahelgi Quiltbúðarinnar 11-14 október

2007-10-17T12:02:00.001Z

Ég var að setja inn myndir frá þriðju saumahelgi Quiltbúðarinnar á Löngumýri, við Jóhanna Björns sátum þar og saumuðu frá fimmtudegi til sunnudags ásamt 30 öðrum konum. Ekkert smá gaman hjá okkur.
Ebba og Anna Sigga voru saumahelgi nr 2.
Myndin er af dúk saumuðum af Mæju í Borgarnesi, Jóhönnu Maríu Jónsdóttur.

Fyrsti fundur

2007-10-11T01:11:00.000Z

Fyrsti fundurinn var haldinn þann 19. september. Góð mæting eða 16 félagar mættu.
Dagskrá vetrarins hefur verið send út á öll netföng sem við höfum, ef einhvern vantar dagskrá er bara að hafa samband við Jóhönnu.
Myndir frá fundinum komnar inn.

Vorfundur

2007-05-21T11:59:00.000Z

Konurnar fóru að tínast inn um dyrnar á Löngumýri upp úr klukkan sjö þar sem hitað var upp fyrir aðalatriði kvöldsins, sem var kaffifundur hjá Svönu á Hótel Varmahlíð.
Þrettán konur, auk Svönu, röðuðu sér í kringum borðið og nutu kræsinga sem kitluðu bragðlaukana svo um munaði.
Dregið var í happdrætti og komu vinningar, sem voru þrjár bútasaumsbækur, í hlut Svönu og Bíbíar og Ebba fékk mætingarverðlaun vetrarins, en myndin sýnir einmitt Hlíðarfjallið hennar, verkefni í Fattarakúbb Quiltbúðarinnar.

Að sýna og segja frá er fastur þáttur á hverjum fundi og er afrakstur þessa fundar að finna undir myndahlekknum hér til hægri.

Við þökkum samstarfið í vetur, hittumst hressar og í bútasaumsstuði í haust.
Jóhanna, Anna Sigga, Solla og Helga

Flottur dúkur

2007-05-14T23:39:00.000Z

Uppskrift frá Debbie Mum, smella á fyrirsögn til að fá upp snið og leiðbeiningar.

Helga

Slúttum með stæl

2007-05-14T23:21:00.000Z

Jæja Búskur.
Þá fer að líða að síðasta fundi vetrarins, en hann er einmitt á mánudaginn næsta, 21. maí.
Þetta verður einfalt, ekki þarf að taka með neitt í gogginn, bara "ábyrjaða" stykkið sem þarf að setja kantinn á eða quilta smá.

Mætum allar hressar og kátar á Löngumýri um sjöleitið eins og vanalega.
Höfum með okkur eitthvað til að sýna og segja frá eða já eins og áður sagði, eitthvað til að hafa milli handanna.

Um kl. 9 sláum við þessu upp í kæruleysi örkum upp í Varmahlíð, nánar tiltekið á Hótel Varmahlíð til Svönu, setjumst þar að kaffiborði, spjöllum, grímumst, hlæjum, fíflumst, sýnum og segjum frá. Svo verður dregið í happdrættinu. Það eru "nokkrir spennandi vinningar"

Hlökkum til að sjá ykkur, Helga, Solla, Anna Sigga og Jóhanna.

Flottur fundur, fallegt handverk

2007-04-17T23:45:00.000Z

Ellefur konur mættar með góða skapið, sumar með saumavélarnar aðrar með nál og tvinna en margar höfðu með sér eitthvað til að sýna.

Eins og til dæmis þetta hrikalega flotta teppi hennar Valgerðar, alveg æðislega fallegt.

Eða allir dúkarnir hennar Önnu Pálu, ekkert smotterí sem konan er búin að sauma.

Kvöldfundur þriðjudaginn 17 apríl kl. 19:00 - 23:00

2007-04-16T23:05:00.000Z

Þá er komið að næst síðasta fundinum okkar í vetur en á morgun þriðjudaginn 17 apríl frá kl: 20:00 – 22:00 er kvöldfundur á Löngumýri.

Á dagskránni höfðum við sett upp litavalskynningu en sleppum henni að þessu sinni.
Ef einhverjar hafa verið að sauma blokkir í bjákateppið er um að gera að taka slíkt með, alltaf gaman að raða saman og skoða útkomuna, en við tökum bara upp þráðinn aftur í haust við bjálkana.

Við hellum uppá, allir taka eitthvað smálegt með sér með kaffinu.

Þetta danska listaverk fann ég á síðunni hjá Danska bútasaumsfélaginu.

Öðruvísi kantur, mjög flottur finnst mér.

Kveðja Helga

Flott munstur

2007-04-16T23:02:00.000Z

Og hér er annað af sömu síðu, virkar ekki mjög flókið en fallegt.

Flott námskeið

2007-03-16T00:08:00.000Z

Það rættist heldur betur úr þátttöku á námskeiðinu með Sveinu á Öngulstöðum, pentun á efni, sem við stóðum fyrir á Löngumýri í kvöld.

12 konur mættu með sínar uppáhalds myndir sem skannaðar voru inn í tölvu og prentaðar á efni sem áður höfðu verið meðhöndluð á sérstakan hátt.

Það verður sko nýr og spennandi bútasaumur sem nú tekur við.

Bútóshelgi á Löngumýri

2007-03-15T23:47:00.000Z

Við Jóhanna voru við sauma á Löngumýri um síðustu helgi í boði Bútós á Blönduósi, svakalega gaman, mikið saumað og töluvert mikið hlegið, etið alveg ógurlega og potturinn notaður langt fram á nótt. Aldrei þessu vant gleymdi ég ekki myndavélinni og tók slatta af myndum.
Smellið á fyrirsögnina til að skoða þær
kveðja Helga

Námskeið fimmtudaginn 15. mars

2007-03-13T14:23:00.000Z

Sælar allar

Næsti fundur hjá Búskum er fimmtudaginn 15. mars n.k.

Hann verður með óvenjulegu sniði, því Sveina Björk frá Öngulstöðum ætlar að koma og halda
námskeið í myndvinnslu mynda og prentun þeirra á efni.

Námskeiðið byrjar kl. 19 og verður til kl. 22.
Hver okkar kemur með mynd sem við viljum prufa að vinna með. Byrjum að undirbúa efnin fyrir prentun, síðan farið í myndvinnsluna og endað á að prenta.

Verð fyrir mannin er 3.500 kr. -
Lágmarksþátttaka er 8, hámark 12-14. Þess vegna er nauðsynlegt að láta skrá sig - Í SÍÐASTA LAGI Á HÁDEGI Á MIÐVIKUDAG.
Eftir námskeiðið getum við setið og spjallað yfir kaffibolla og "nammi".

Bestu kveðjur
Jóhanna, Helga B., Sólveig og Anna Sigga.

Komnar inn nýjar myndir

2007-03-13T14:19:00.000Z

Þá er ég loksins búin að koma inn myndum frá saumalaugardeginum í febrúar.
Ásthildur Guðmundsdóttir frá Skagaströnd kom til okkar og saumaði með okkur en hún er í Bútós klúbbnum á Blöndósi.
Við vorum því 9 sem skemmtum okkur við saumavélarnar þann daginn.
kv Helga

Ferðatöskusýningin

2007-02-12T22:51:00.000Z

Við verðum með Ferðatöskusýninguna á laugardaginn á Löngumýri.

Saumalaugardagurinn nálgast

2007-02-08T17:12:00.000Z

Jæja, allar saumaglaðar konur...

Þá er að fara að setja sig í saumastellingarnar því saumadagurinn nálgast.

Eitthvað verða þær færri Bútós konurnar á Blönduósi en til stóð, ekkert við því að gera.
Kristrún í Quiltbúðinn ætlar að koma og sauma með okkur.
Hún verður ekki með "búð "með sér, en ef einhverja vantar eitthvað af efnum eða annað er bara að hafa samband við hana og hún grípur þetta með sér fyrir eitt orð.

En og aftur.... áríðandi að láta einhverja okkar vita um mætingu, því eins og áður, við þurfum að vita hvað á að elda mikið af graut.

Hittumst á Löngumýri 17. febrúar í saumastuði.
Jóhanna, Helga, Anna Sigga og Sólveig.